ថ្ងៃទី27 ខែ02 ឆ្នាំ2121
ទំនាក់ទំនងការផ្សាយ +855 011855857/

អគ្គមេបញ្ជាការ នៃកងយោធ ពលខេមរភូមិន្ទ នៅព្រឹកថ្ងៃទី១១ ខែកញ្ញា ឆ្នាំ២០២០នេះ បានអញ្ជើញជាអធិបតីក្នុងពិធីសំណេះសំណាលជាមួយយោធិន ត្រូវដាក់ឲ្យចូលនិវត្តន៍
ថ្ងៃចេញផ្សាយ: 2020-09-11 13:50:20


(ភ្នំពេញ)៖ ឯកឧត្តម នាយឧត្ដមសេនីយ៍ វង្ស ពិសេន  អគ្គមេបញ្ជាការ នៃកងយោធ ពលខេមរភូមិន្ទ នៅព្រឹកថ្ងៃទី១១ ខែកញ្ញា ឆ្នាំ២០២០នេះ បានអញ្ជើញជាអធិបតីក្នុងពិធីសំណេះសំណាលជាមួយយោធិន ត្រូវដាក់ឲ្យចូលនិវត្តន៍។ ពិធីនេះត្រូវបានធ្វើ ឡើងនៅបញ្ជាការដ្ឋានកងទ័ពជើងទឹក ដោយមានការចូលរួមពីសំណាក់ ឯកឧត្តម នាយឧត្ដមសេនីយ៍ ជាអគ្គមេបញ្ជាការរង និងថ្នាក់ដឹកនាំ នាយទាហានចំណុះស្ថាប័នអគ្គបញ្ជាការជាច្រើនរូបទៀត។


ផ្អែកតាមផែនការរបស់ក្រសួងការពារជាតិ និងអគ្គបញ្ជាការ ឆ្នាំ២០២០នេះ យោធិនដល់អាយុត្រូវចូលនិវត្តន៍មានសរុប ២,៣៤៨ នាក់។ ដោយឡែកសម្រាប់ថ្ងៃនេះ ឯកឧត្តម នាយឧត្ដមសេនីយ៍ អគ្គមេបញ្ជាការ បានផ្តល់កិត្តិយសបំពាក់ឋានន្តរសក្ដិ និងគ្រឿងឥស្សរិយយសមានចំនួន ១៦២នាក់ ។


ឯកឧត្តម នាយឧត្ដមសេនីយ៍ វង្ស ពិសេន បានកោតសរសើរ និង វាយតម្លៃខ្ពស់ចំពោះគុណសម្បត្តិដ៏ធំធេងរបស់យោធិនចូល និវត្តន៍ទាំងអស់ ដែលបានបន្សល់ទុកនូវការចងចាំមានដូចជាការរួមចំណែកយ៉ាងសកម្មក្នុងកិច្ចការពារជាតិ ការពារបូរណភាពទឹកដីនៃមាតុភូមិ, ជាអ្នកប្រតិបត្តិករ ជាមួយស្ថាបនិកមគ្គុទ្ទេសក៍ឯកនយោបាយឈ្នះ ឈ្នះ សម្តេចតេជោ ហ៊ុន សែន នាំមកនូវសន្តិភាព ឯកភាពជាតិពេញលេញ ចុង ក្រោយការចូលរួមជាមួយ រាជរដ្ឋាភិបាល ក្នុងកិច្ចការពារ ថែរក្សាសន្តិសុខ សណ្តាប់ធ្នាប់សង្គម ចូលរួមការពារសន្តិភាព ស្ថិរភាពនយោបាយ ព្រមទាំងគាំទ្រនូវគោលនយោបាយដឹកនាំ របស់រាជរដ្ឋាភិ បាល និងចូលរួមអភិវឌ្ឍលើគ្រប់វិស័យ។


បន្ថែមពីនេះ ឯកឧត្តម នាយឧត្ដមសេនីយ៍ វង្ស ពិសេន បានផ្តាំផ្ញើ និងសំណូមពរចំពោះយោធិនចូលនិវត្តន៍ទាំងអស់ ក្នុងពេលវិលត្រឡប់ទៅរស់នៅជាជនស៊ីវិល នៅតាមមូលដ្ឋាន គប្បីបន្តរួមចំណែកជួយដល់សង្គមជាតិ មានដូចជា៖


*ការចូលរួមថែរក្សាស្ថិរភាពនយោបាយ ប្រឆាំងរាល់សង្រ្គាមចិត្តសាស្ត្រដែលមានចរិកញុះញង់ ធ្វើឲ្យប៉ះពាល់ដល់សន្តិភាព សន្តិសុខ សណ្តាប់ធ្នាប់សង្គម។


*ការចូលរួមផ្សព្វផ្សាយអំពីសមិទ្ធផលនានា និងពន្យល់ប្រជាពលរដ្ឋឲ្យមើលឃើញច្បាស់ពីគុណសម្បត្តិ នៃការដឹកនាំរបស់រាជរដ្ឋាភិបាលឲ្យមានស្ថិរភាព និងការអភិវឌ្ឍលើគ្រប់វិស័យ។